مكرونة بطريقة جميلة

انا كان نفسى اعمل مكرونة بطعم جديد المهم دخلت المطبخ وقلت هعمل المكرونة بطريق الهوت دوج الايطالى المهم خدو المقادير

المقادير
حبتين طماطم
قرنين فلفل
زيتون اسمر شرايح
بصلة
راس ثوم
توابل: فلفل اسود وكمون وشطة وملح


المهم طريقة العمل
1. قشرى الثوم وقطعى قطع صغيرة
2.قطعى الطماطم قطع صغيرة
3.قطعى الفلفل شرايح صغيرة
4.قطعى البصل شرايح صغيرة
5.الزيتون اصلا متقطع معملش نفسى فزلوكة و قولكوا قطعوة
6.رشى رشة ملح وكمون وفلفلاسود حسب ما انتى عايزة
7.طبعا انتى كنتى صلقتى المكرونة (يعنى وضعتى المكرونة فى مياة بتغلى)

زمانكوا بتقولوا اخلصى وقولى الطريقة بقة زهقتينا يتك الارف
على العموم هلخص حاضر ركزوا ومتشتموش


1.ضعى المقلاة على النار
2.ضعى الزيت على النار وتركية يسخن ماتعمليش نفسك شاطرة وتحطية على طول خليكى ست بيت شاطرة وحطى شريحة من الفلفل وشوفى الزيت سخن ولا لا
3. ضعى الثوم وبعد ذلك البصل وقلبى (خلى بالك اوعى البصل والثوم يتحرقوا )
4.بعد ذلك ضعى الفلفل ثم الزيتون وقلبى وفى الاخر ضعى الطمطم وقلبى مرة واحدة وضعى المكرونة عليهم وقلبى وسيبهم شوية يسخنوا
5.,قدميهم فى طبق ساخنين وادعيلى يا اما هتدعى عليا اللة اعلم
جربوها وادعووووووووولى

بس اوعوا تلغبطوا فى خطوة انا مش مسئولة ماشى انتوا حرين

مامتكوا هتديكوا علقة عشان اليوم دة هتاكلوا عيش وجبنة بس انا مليش دعوة
بجد جربوها وقوليلى اية اللى حصل
ماشى اقابلكوا عند الاسعاف عشان انا قايمة اعملها واكلها

سلااااااااااااااااااااااااااااام
اوعوا تنسوا الردود